ஆலங்குடி ஜெ குரூப்ஸ் கல்வி நிறுவனங்களில் சுதந்திர தின விழா கொண்டாடப்பட்டது. விழாவிற்கு, ஜெ குரூப்ஸ் கல்வி நிறுவனங்களின் தலைவர் எஸ். சேசுதாஸ் தலைமை வகித்து, மாணவர்களின் அணிவகுப்பு மரியாதையை ஏற்றுக் கொண்டு, சுதந்திர தின கொடியேற்றி வைத்தார். ஜெ குரூப்ஸ் கல்வி நிறுவனங்களின் செயலாளர் அந்தோணிராஜா சுதந்திர தின உரையாற்றினார். அவர் பேசுகையில், "பல்லாயிரக்கணக்கான முன்னோர் இன்னுயிர் ஈந்து பெற்ற சுதந்திரத்தை பேணி காத்திடும் வகையில், மாணவர்கள் அனைவரும் போதைப்பொருள் பயன்படுத்தாமல், ஜாதி மத பேதங்களைக் கடந்து, நமக்கு அளிக்கப்பட்டுள்ள கல்வி எனும் வாய்ப்பை இறுக பற்றி கொண்டு, அதை நன்முறையில் பயன்படுத்தி இந்த சமூகத்தில் பெரிய ஆளுமையாக வளர வேண்டும். அதன் மூலம் உங்கள் குடும்பத்திற்கும் உங்களுக்கும் பெருமை சேர்த்திடும் வகையில் நல் மனிதராய் வாழ, உறுதி ஏற்க வேண்டும் என்பதே இந்த நாளின் செய்தியாக நீங்கள் மனதில் கொள்ள வேண்டும்" என்றார். விழாவில், ஜே குரூப்ஸ் கல்வி நிறுவனங்களின் அறங்காவலர் அற்புத மேரி, துணைத் தலைவர் வின்சன், நிர்வாக இயக்குனர் சேவியர், அறங்காவலர் மரிய அருள், மற்றும் நிர்வாகத்தின் குடும்பத்தினர், சேசு கலை மற்றும் அறிவியல் கல்லூரி முதல்வர் முனைவர் ரவிச்சந்திரன், பாலிடெக்னிக் கல்லூரி முதல்வர் ரமேஷ் குமார், ஹோட்டல் மேனேஜ்மென்ட் கல்லூரி முதல்வர் தினேஷ்குமார், அனைத்து கல்லூரிகளின் துறைத்தலைவர்கள், பேராசிரியர்கள் மற்றும் மாணவர்கள் என திரளானோர் கலந்து கொண்டனர்.
