தஞ்சாவூர், ஆக.21 -
தஞ்சாவூர் மாவட்டம், பேராவூரணி அருகே உள்ள பெருமகளூர் அரசு ஆண்கள் மேல்நிலைப் பள்ளியில் குறுவட்ட அளவிலான விளையாட்டுப் போட்டிகள் நடைபெற்றது.
முன்னதாக கடைவீதியில் ஒலிம்பிக் தீபத்தை ஏற்றி சட்டப்பேரவை உறுப்பினர் நா.அசோக்குமார் தொடர் ஓட்டத்தை ஏற்றி தொடங்கி வைத்தார். பின்னர் பள்ளி மைதானத்தில் ஒலிம்பிக் தீபம் ஏற்றி வைக்கப்பட்டு,
தேசிய கொடியை ஏற்றிவைத்து அணி வகுப்பு மரியாதையை ஏற்றுக் கொண்டார்.
அதனைத் தொடர்ந்து, விளையாட்டு போட்டிகளில் வெற்றி பெற்ற வட்டார அளவில் கலந்து கொண்ட இருபால் மாணவர்களுக்கு பரிசளித்து விழா சிறப்புரையாற்றினார்.
முன்னதாக பள்ளித் தலைமை ஆசிரியர் கணேசன் வரவேற்றார்.
பெருமகளூர் பேரூராட்சித் தலைவர் சுந்தரத்தமிழ் ஜெயப்பிரகாஷ், பெருமகளூர் திமுக நகரச் செயலாளர் மாரிமுத்து,
பள்ளி மேலாண்மைக் குழு ஜெயசுதா, அய்யப்பன், சமுக ஆர்வலர் சீனிவாசன் மற்றும் பேரூராட்சி கவுன்சிலர்கள், ஆசிரியர்கள், மாணவர்கள் கலந்து கொண்டனர்.
