பேராவூரணி, செப் 29
பேராவூரணி அருகே சொர்ணக்காடு அரசு உயர்நிலைப்பள்ளியில் டாக்டர்.ஜே.ஸி.குமரப்பா செண்டினரி வித்யா மந்திர் மெட்ரிக் மேல்நிலைப்பள்ளி சார்பில் என்.எஸ்.எஸ் முகாம் தொடக்க விழா நடந்தது.
குமரப்பா பள்ளி சேர்மன் முனைவர் ஸ்ரீதர் தலைமை வகித்தார். ஊராட்சி தலைவர் விஜயபாஸ்கரன் முன்னிலை வகித்தார். நிர்வாக அலுவலர் சுரேஷ் வரவேற்றார். அகாடமிக் டைரக்டர் அஸ்வின்கணபதி முகாமை தொடங்கி வைத்து பேசினார்.
முகாமில் என்.எஸ்.எஸ் மாணவர்கள், பள்ளி, ஸ்ரீராமர் கோயில் சுற்றுப்புறங்களை செடி கொடிகளை அகற்றி சுத்தம் செய்தனர். மேலும் பள்ளி வளாகத்தில் மரக்கன்றுகள் நடப்பட்டது.
இதில் வி.ஏ.ஓ(ஓய்வு) ஜெயவீரன், கிராமத்தினர் ரவிச்சந்திரன், வீரபாண்டியன், பத்மநாதன், கல்யாணசுந்தரம், ஆசிரியர்கள் மூர்த்தி, சிவபாலன், என்.எஸ்.எஸ் மாணவர்கள், கிராம பொதுமக்கள் மற்றும் பலர் கலந்து கொண்டனர். திட்ட அலுவலர் விஜய் நன்றி கூறினார்.
