பேராவூரணியில், பொன்-காடு ஆதிமுத்து சரோஜா திரையரங்கம் அருகில், ஷாம் பேட்மிட்டன் அகாடமி என்ற இறகுப்பந்து உள் விளையாட்டு அரங்கம் திறப்பு விழா வெள்ளிக்கிழமை திமுக பேராவூரணி தெற்கு ஒன்றியச் செயலாளர் க.அன்பழகன் தலைமையில் நடைபெற்றது.
திமுக தலைமை செயற்குழு உறுப்பினரும், பேராவூரணி சட்டப்பேரவை உறுப்பினருமான நா. அசோக் குமார் உள் விளையாட்டரங்கத்தை திறந்து வைத்துப் பேசினார்.
இதில், அதிமுக பேராவூரணி தெற்கு ஒன்றியச் செயலாளர் கோபி இளங்கோ, பேரூராட்சி பெருந்தலைவர் சாந்தி சேகர், நகர வர்த்தகர் கழகத் தலைவர் ஆர்.பி. ராஜேந்திரன், பொருளாளர் சாதிக் அலி, திமுக மாவட்ட அவைத் தலைவர் சுப.சேகர், தலைமை பொதுக்குழு உறுப்பினர் அ.அப்துல் மஜீத், அமுதம் கந்தசாமி, மல்லிகை வை.சிதம்பரம் மற்றும் பலர் கலந்து கொண்டனர். ஏற்பாடுகளை அகாடமி நிர்வாகிகள் செந்தில் உமா காந்தன், அருள் முருகன் ஆகியோர் செய்து இருந்தனர்.
