பேராவூரணி கோக்கனட் சிட்டி இன்ஸ்பயர் லயன்ஸ் சங்கம் சார்பில் காந்தி ஜெயந்தி விழா சிறப்பாக கொண்டாடப்பட்டது. பேராவூரணியில் உள்ள மகாத்மா காந்தி சிலைக்கு மாலை அணிவித்து மரியாதை செய்த பின்பு, சுதந்திர போராட்ட வீரர்கள் சுமார் 15 நபர்களுக்கு மரியாதை செய்யப்பட்டது. நிகழ்வுக்கு, சங்கத் தலைவர் நா.ப.ரமேஷ் தலைமை வகித்தார். விழாவில், மாவட்ட இணை பொருளாளர் எம் நீலகண்டன், வட்டாரத் தலைவர் எஸ்.பாண்டியராஜன், முதல் நிலை தலைவர் ஜி.வி.ராஜ்குமார், மாவட்ட தென்னை வளர்ச்சி தலைவர் இளங்கோ, எல் சி எஃப் ஒருங்கிணைப்பாளர் பி.பன்னீர்செல்வம், முன்னாள் பொருளாளர்கள் சங்கர் ஜவான் மற்றும் சபரி குமார், பிஆர்ஓ முருகன், முன்னாள் உதவி ஆய்வாளர் ரவிச்சந்திரன் ஆகியோர் கலந்து கொண்டு சிறப்பித்தனர். இறுதியாக சங்க செயலாளர் க. குமரன் அனைவருக்கும் நன்றி கூறினார்.
