பேராவூரணி கோக்கனட்சிட்டி இன்ஸ்பயர் லயன்ஸ் சங்கம் சார்பில், பெருமகளூர் அரசு மேல்நிலைப் பள்ளியில் 800 மரக்கன்றுகள் வழங்கும் விழா நடைபெற்றது. நிகழ்வுக்கு சங்கத் தலைவர் நா.ப.ரமேஷ் தலைமை வகித்தார். பள்ளியின் தலைமை ஆசிரியர் கணேசன், மரக்கன்றுகளை வழங்கி விழாவை துவக்கி வைத்தார். நிகழ்வில், வட்டாரத் தலைவர் எஸ்.பாண்டியராஜன், சாசன செயலாளர் ஜெய்சங்கர், முதல் நிலைத் தலைவர் ராஜ்குமார், முன்னால் செயலாளர் மற்றும் ருத்ரசிந்தாமணி ஊராட்சி மன்றத் தலைவர் நடராஜன், சங்க செயலாளர் க.குமரன், பொருளாளர் ஆவி.ரவி, உன்னால் நிர்வாக அலுவலர் சந்தோஷ், வருங்கால பொறுப்பாளர்கள் மணிகண்டன், குமரேசன், பிரதீஷ், பக்கிரிசாமி மற்றும் பலர் கலந்து கொண்டனர். விழாவில் மாணவர்களுக்கு தலா ஒரு மரக்கன்று வீதம், மொத்தமாக 800 மரக்கன்றுகள் வழங்கப்பட்டது. மரக்கன்றுகளை சிறப்பாக பேணி வளர்க்கும் மாணவருக்கு ரூபாய் 5000 ரொக்கப் பரிசு வழங்கப்படும் என சங்க தலைவர் நா.ப.ரமேஷ் அறிவித்தார். இந்த அறிவிப்பு, மாணவர்கள் மத்தியில் மிகுந்த வரவேற்பை ஏற்படுத்தியது.
